Allah se maghfirat maangne ka sabse achcha tariqa

Bismillahirrahmanirrahim 

✦ Rasool-Allah Sallallahu Alaihi Wasallam ne farmaya *Sayyad-Al-Astigfar (Allah se maghfirat maangne ka sabse achcha tariqa )* ye hai, jisne is dua ke alfaaz par yaqeen rakhte huye din mein inko padh liya aur usi din shaam hone se pahle uski maut ho gayee to wo jannati hai, aur jisne is Dua ke alfaaz par yakeen rakhte huye Raat mein inko parh liya aur phir uska subah hone se pahle uski maut ho gayee to wo jannati hai.

----------------------------

✦ Allahumma anta Rabbi la ilaha illa anta, 

Khalaqtani wa ana abduka, 

wa ana 'ala ahdika wa wa'dika mastata'tu, 

Awuzu bika min sharri ma sana'tu, 

abu'u Laka bini'matika 'alaiya, 

wa Abu'u Laka bizambi

fagfirli fa innahu la Yagfiru-az-zunuba illa anta.

----------------------------

✦ Tarjuma : Eh Allah tu hi mera RAB hai, tere siwa koi mabud nahi, tune hi mujhe paida kiya hai aur main tera hi Banda hu, main apni taqat ke mutabiq tujhse kiye huye Ahad aur wade par qayam hun, main tujhse us cheez ki burayee se panah maangta hu jisko maine kiya ,main tere samne teri naimaton ka iqrar karta hu jo tune mujhe ata farmayee, Aur main apne gunahon ka bhi iqrar karta hun, tu mujhe maaf kar de , beshak tere siwa gunahon ko koi maaf karne wala nahi

✦ Sahih Bukhari, Vol 7, 6306