Banda tab tak momeen nahi ho sakta jab tak wo in cheezo par iman na le aaye..

Bismillahirrahmanirrahim

---------------

✦ Banda tab tak momeen nahi ho sakta jab tak wo in cheezo par iman na le aaye..

---------

✦ Rasool-Allah ﷺ ne farmaya koi banda us waqt tak momeen nahi ho sakta jab tak wo char cheezo par iman na le aaye Allah wahdahu la sharik par, mere (yani Muhammad ﷺ ke) Allah ke Rasool hone par , Maut ke baad zinda hone par aur taqdeer par

Sunan Ibn maja, Jild 1, 81-Sahih

---------

✦ Rasool-Allah ﷺ ne farmaya koi banda tab tak momeen nahi ho sakta jab tak uske walid aur uski aulad aur tamam logo se zyada uske dil mein meri muhabbat 

na ho jaye

Sahih Bukhari, Jild 1, 15

---------

✦ Rasool-Allah ﷺ ne farmaya koi banda tab tak momeen nahi ho sakta jab tak apne bhai ya padosi ke liye wahi pasand na karne jo apne liye karta hai

Sahih Muslim, Jild 1, 171

---------

✦ Rasool-Allah ﷺ ne farmaya koi banda us waqt tak momeen nahi ho sakta jab tak achchi aur buri taqdeer par iman na laye yaha tak ki wo ye yakeen na kar le ki jo cheez usko milne wali thi wo usko hi mili kisi aur ke pass nahi ja sakti thi aur jo cheez usko nahi milne wali thi wo kisi bhi surat mein usko nahi mil sakti thi 

Jamia Tirmizi, Jild 2, 15-Hasan

---------